Қазақстанда әскерилердің зейнет жасы 5 жылға өседі
637
Қорғаныс министрлігіндегілер әскерилердің зейнет жасын көбейту туралы жоспармен бөлісті. Бұл туралы министрліктің Зейнетпен қамту орталығының басшысы Қайыржан Бимолдин айтты, деп хабарлайды Opennews.kz ақпарат агенттігі.
"Биыл әскери қызмет туралы заңға қызмет мерзімін бес жылға көбейту туралы норма мен өзгерістер енгізілді. Осыған байланысты зейнет жасы да бес жылға өседі", – деді Қайыржан Бимолдин.
Бұл әскери қызмет туралы заңда әскерилер үшін бекітілген шектік жасқа тікелей байланысты. Сонымен қатар әскерилер ынтымақты зейнетке мемлекеттік бюджет есебінен шығады. Бұған дейін бұл жинақтық жүйе есебінен іске асырылып келген.
2021 жылы әскери зейнеткерлерге зейнетақы жинағындағы қаржының 50% жеткіліктік шегіне қарамастан қолдану мүмкінлігі берілген еді. Егер әскери қызметкердің жинағында 3 миллион теңге болса, 1,5 миллион теңгесін қолдануға құқығы бар.
