Ақтауда шала туған нәресте кәріз құдығынан табылды
302
Айы-күні жетпей туған жансыз шақалақ қаладағы кәріз құдығының бірінен табылған, деп хабарлайды Opennews.kz облыстық полиция департаментіне сілтеме жасап.«Бүгін, 9 маусымда сағат 11:51-де кезекші 102 пультіне Ақтау қаласының 32-шағын ауданында кәрізден 9 айы толып, өмірге келмеген шарана табылғаны туралы шақыру түсті. Оқиға орнында жедел-тергеу тобы жұмыс істеп, сот-медициналық сараптама тағайындалды. Тергеу шаралары жүргізіле бастады», - делінген ПД хабарламасында.
Аталған факт ҚР ҚК 001-бабы (адамның қайтыс болуы) бойынша СДТБТ-де тіркелді.
