Қазақстанда жыл басынан бері 9,5 мың интернет-алаяқтық анықталды

Соңғы жеті жылда интернет-алаяқтықты тіркеудің өсу үрдісі көбейгені байқалады деп хабарлады turkystan.kz Polisia.kz сайтына сілтеме жасап.

Мұндай қылмыстардың өсуінің негізгі шыңы 2020 жылы 14 мың болса, 2021 жылдарға 21 мың болған. Жыл басынан бері 9,5 мың жағдай тіркелген.

Интернет-алаяқтықтың кең таралған тәсілдері: интернет-хабарландырулар бойынша тауар немесе қызмет үшін алдын ала төлем не толық төлем алу; пластик карталардың шоттарынан ақша ұрлау; түрлі жобаларға, ойындарға, инвестицияларға, ставкаларға және тағы басқа да жайттарға ақша салу; азаматтардың жеке деректерін иеленуге арналған фишингтік сілтемелерді пайдалану.
Айта кетсек, 2 мыңға жуық жағдайда қылмыскер өзін банктердің немесе құқық қорғау органдарының қауіпсіздік қызметкерлері болып таныстырған және азаматтардың шоттарындағы күдікті операциялар туралы хабарлады.
Көпшілік азамат ақшаны алаяқтар көрсеткен шоттарға өздері аударған немесе алаяқтарға өз дербес деректерін ерікті түрде берген.
Атап айтқанда, қылмыскерлер келесі схема бойынша әрекет етеді: олар телефонға қоңырау шалып, қазіргі уақытта сіздің атыңызға несие алуға тырысқан алаяқтарды ұстау үшін арнайы операция жүргізіліп жатқанын түсіндіреді.
Тағы бір түсіндірмеде жалған полицей қазір Ұлттық банкімен бірлескен пысықтау жүргізіліп жатқанын хабарлайды және Ұлттық банк қызметкерімен байланысты ауыстыру үшін желіде қалуды сұрайды.

«Әрі қарай телефонның сол жағындағы дауыс сіздің картаңыз бойынша рұқсатсыз ақша аудару әрекеттері жүріп жатқанын және қаражатыңызды үнемдеу үшін белгілі бір соманы сіздің банктік шотыңызға немесе үшінші тұлғалардың шотына салу керектігін түсіндіреді», – деп хабарлады мегаполис полициясы.

Ведомство полиция қызметкерлері ешқашан телефон арқылы арнайы операциялар мен тергеу әрекеттерін жүргізбейтінін атап өтті.

«Осы үшін полицейлер жәбірленушілерді полиция бөлімшесіне келуге шақырады. Банк қызметкерлері сіздің картаңыз туралы деректерді ешқашан сұрамайды, сондай-ақ ұялы телефонға келетін кіру кодтарын беруді талап етпейді. Мұндай жағдайларда сіз телефонмен сөйлесуді тоқтатып, банк картасында немесе банк сайтында көрсетілген сенімді нөмірге қоңырау шалуыңыз керек. Өзіңіздің банктік картаңыз туралы, сондай-ақ жеке басыңыз туралы деректерді ешкімге және қандай жағдайда бермеңіз», – деді тәртіп сақшылары.