RUB (+0.03) 7.96 KZT
USD (-1.36) 476.62 KZT
EUR (-3.40) 485.53 KZT
Қоғам
83

Оралда көпқабатты үйдің терезесінен тағы бір бала құлап кетті

Оралда тағы бір бүлдіршін көпқабатты үйдің терезесінен құлап кетті. Бұл соңғы екі күнде тіркелген екінші жағдай, - деп хабарлайды «Opennews.kz» ақпарат агенттігі "Мой город" порталына сілтеме жасап. 

Оқыс оқиға бүгін, 12 шілде күні сағат 10:00 шамасында бесінші ықшам ауданында орын алған. БҚО ТЖД хабарлауынша, екінші қабаттың терезесінен төрт жасар бала құлап кеткен. Ол ата-ананың қарауынсыз қалған. 

Оқиға орнына жеткен жедел жәрдем қызметкерлері баланы ауруханаға жеткізді. Алдын ала қойылған диагноз - жабық бас сүйек-ми зақымы, мидың шайқалуы, оң жақ маңдайы жұмсақ тінінің зақымдалуы, жабық жамбас-сан және іш жарақаты. Баланың жағдайы орташа ауыр деп бағалануда. 
Айта кетейік, кеше Оралда үшінші қабаттың терезесінен бес жасар бала құлап кеткен еді. Бұл бүлдіршін де үлкендердің қарауынсыз қалған.