RUB (+0.18) 8.21 KZT
USD (-1.87) 479.42 KZT
EUR (-6.40) 467.91 KZT
Қоғам
58

Қазақстанда әйелдердің зейнет жасын төмендетуге қатысты митингілер өтті

Қазақстандық әйелдер бірнеше қалада зейнет жасын төмендетуді талап етіп митингке шықты, - деп хабарлайды Ulysmedia.kz.

Otyrar арнасының хабарлауынша, Шымкентте Наурыз алаңында әйелдердің зейнет жасын төмендетуге арналған рұқсат етілген митинг өткен. Оны «Қазақстандағы әйелдердің зейнет жасын 58 жасқа дейін төмендету» қозғалысының белсенділері ұйымдастырды.
Әйелдер ән шырқап, зейнет жасын 58 жасқа дейін төмендетуді сұрады. Олардың айтуынша, 55-тен кейін жұмыс істеу қиынға соғады.
«Мен өзім үшін өмір сүргім келеді, немерелеріме уақыт бөлгім келеді. Мен қазір жұмыс істеймін, бірақ бұл өте қиын. Зейін азайып, ауру көбейді», – дейді белсенді Аэлита Хасанова.
Қозғалысты ұйымдастырушылар Қазақстандағы жұмыс берушілер арасында геизм проблемасының кең тарағанына шағымданды.
«Біздің жаста жұмыс табу өте қиын. Мысалы, мен жұмысымнан айырылғам, қазір толық емес жұмыс күнімен істеп жүрмін. Олар бізді жұмысқа алғылары келмейді, Себебі жиі ауырып қаламыз», - дейді Ольга Рейхель.
«Наша газетаның» хабарлауынша, рұқсат етілген митингіге Қостанайдағы әйелдер де қатысқан. Акцияға 130-ға жуық адам жиналды. 
Дәл осындай митингілер Нұр-Сұлтан мен Алматыда да өтуде. Оңтүстік астанада акция «Тұран» университетінің акт залында өтіп жатыр.