Жүкті әйел патрульдік көлікте босанды
302
Қарасай аудандық полиция қызметкері жүкті әйелді патрульдік көлікте босандырып алды, - деп хабарлайды Opennews.kz ақпарат агнттігі.
«Ер адам патрульдік полиция қызметкерлерін тоқтатып, жүкті әйелін ауруханаға жеткізуін өтінген. Жол бойында әйелді толғақ қатты қысып, полиция қызметкерлері оны босандырып алуға мәжбүр болған. Алғашқы көмек көрсетілген соң, анасы мен жаңа туған сәби дереу ауруханаға жеткізіліп, дәрігерлерге тапсырылды», – деп хабарлады Алматы облысы ПД баспасөз қызметі.
Дәрігерлердің айтуы бойынша, полиция қызметкері жедел көмек беру арқылы қайғылы жайттың алдын алған. Бұл оиғадан кейін жаңа туған сәбидің ата-анасы да полиция қызметкеріне алғыстарын білдірді.
