Заңды бұзған полиция қызметкерлері бір-біріне хаттама толтырды

Алматы облысында полиция қызметкерлері қауіпсіздік белбеуін тақпай, әйнектері қараңғыланған көлікті тізгіндеген, деп хабарлайды Opennews.kz ақпарат агенттігі.


Алматы облысының 2 полиция қызметкері қауіпсіздік белбеуін тақпай, әйнектері қараңғыланған VIP нөмірлі көлікті тізгіндеген видеосы телеграм әлеуметтік желісінде  жарияланды. 

Видео авторы жанармай бекетінде тұрақтаған ерекше нөмірлі көлікті байқаған. Ішіндегі құқық қорғау органдарының қызметкерлеріне заңды бұзғанын баяндап, көлік әйнегіндегі қараңғылататын жапсырмасын шештіріп, қызметкерлерге хаттама толтыртқан.