Қазақстандық боксшының жұбайына қатысты іс қозғалды

Қарағанды қаласында екі жергілікті тұрғын Олимпиада чемпионы, белгілі боксшы Данияр Елеусіновтың жұбайымен болған жанжалға байланысты полицияға арызданды, деп хабарлайды Opennews.kz ақпараттық агенттігі  Sn.kz сайтына сілтеме жасап.

Әйелдердің айтуынша, спортшының жұбайы Майқұдықтағы олардың пәтеріне келіп, өзінің атасына қатысты мәселе бойынша наразылық білдірген. Сөзге келу барысында олардың бірі өзіне қол көтеріліп, шашынан тартылғанын мәлімдеді. Сондай-ақ жанжалға әйелдің атасы да араласқанын алға тартқан. 

Оқиғаға байланысты екі тарап та құқық қорғау органдарына жүгінген. Ал боксшының жұбайы өзіне тағылған айыптауларды жоққа шығарып, бұл жағдай танымал спортшының есімін пайдаланып, қоғам назарын аударуға жасалған әрекет болуы мүмкін екенін айтқан. Қарағанды облысы Полиция департаментінің мәліметінше, аталған дерек бойынша сотқа дейінгі тергеу басталып, тиісті сараптамалар тағайындалған.