Қытайда өтетін Олимпиадаға бойкот жарияланды
250
АҚШ билігінен кейін Ұлыбритания, Канада және Аустралия Қытайда өтетін Қысқы Олимпиадаға ресми өкілдерін жіберуден бас тартты - деп хабарлайды Opennews.kz ақпарат агенттігі Stan.kz сайтына сілтеме жасап.
Аустралиядан кейін Ұлыбритания премьер-министрі Борис Джонсон да 2022 жылы өтетін Қысқы Олимпиадаға дипломатиялық бойкот жариялайтынын хабарлады.
"Пекиндегі Олимпиадаға дипломатиялық бойкот жарияланады. Онда британиялық министрлер мен ресми тұлғалар қатыспайды. Ал спорттық бойкотты дұрыс деп ойламаймын. Бұл тек үкіметтің саясаты болып қала береді", - деді Борис Джонсон.
АҚШ көршісі Канада да бойкот жариялаған елдер қатарына қосылды.
"Пекиндегі Олимпиада мен Паралимпиадаға дипломатиялық өкілдерімізді жібермейтінімізді мәлімдейміз. Адам құқығының бұзылуы бізді алаңдатады", - депі хабарлады ел премьер-министрі Джастин Трюдо.
