Боксшы Сәкен Бибосынов Әлем чемпионатында Өзбекстанның олимпиада чемпионын жеңді

Белградтағы бокстан әлем чемпионатында қазақстандық Сәкен Бибосынов 2016 жылғы Олимпиада чемпионы Хасанбой Досматовты тізе бүктіріп, сенсация жасады, - деп хабарлайды Opennews.kz ақпарат агенттігі Vesti.kz-ке сілтеме жасап.

24 жастағы қазақстандық боксшы мен 28 жастағы өзбекстандықтың жекпе-жегі 26 қазан күні өтті. Олар 51 келіге дейінгі салмақ дәрежесінде жұдырықтасты. Жерлесіміз кездесуді ұпай бойынша жеңіп шықты.

Бибосынов келесі қезеңде қырғызстандық Азат Үсеналиевтен басым түскен Үндістан боксшысы Дипакпен ұшырасады.