Президент Тоқаев ұлттық нышандар тізімін бекітті

Бүгін Мемлекет басшысы Қасым-Жомарт Тоқаев «Қазақстан Республикасы ішкі саясатының негізгі қағидаттары, құндылықтары мен бағыттарын бекіту туралы» жарлыққа қол қойды. Құжатта елдің тарихи-мәдени ерекшеліктерін айқындайтын жалпыұлттық нышандардың тізімі анықталды, - деп хабарлайды "Opennews.kz" ақпарат агенттігі.

Құжат мәтінінде ұлттық нышандар жүйесін қалыптастырудың мақсаты – елдің бірегейлігін күшейту, тарихи-мәдени мұраны сақтау және ұлттық брендті дамыту екені айтылған.

Ұлттық нышандар тізімі төмендегідей:

• Ұлттық ұран: «Алға, Қазақстан!»
• Ұлттық түстер: аспан түстес көк және алтын сары
• Ұлттық кітап нышаны: Абайдың «Қара сөздері»
• Ұлттық бірлік нышаны: шаңырақ
• Ұлттық музыкалық аспап: домбыра
• Ұлттық өсімдік: қызғалдақ
• Отандық өнім белгісі: «Қазақстанда жасалған» (Made in Qazaqstan)
• Ұлттық хэштегтер: #Qazaqstan, #Kazakhstan

Ұлттық нышандар салтанатты рәсімдерде, қоғамдық, мәдени және гуманитарлық іс-шараларда пайдаланылуы мүмкін.