“Қазақ аруы -2026” сұлулық байқауына кастинг басталды

Жыл сайын өткізілетін сұлулық байқауына кастинг басталғанын Баян Алагөзова әлеуметтік желідегі парақшасында мәлімдеді, - деп хабарлайды Opennews.kz ақпарат агенттігі.

Жыл сайын қазақтың ең сұлу аруын анықтайтын байқау биыл 16-рет өткелі отыр. 2024 жылдан бастап бұл байқаудың жеңімпазы қазылар алқасының дауысымен емес, онлайн дауыс беру арқылы анықталып жүр. Демек, байқауды онлайн көрген көрермен өз таңдауын жасап, жеңімпазды анықтауға қатыса алады. Өткен жылғы байқаудың онлайн көрермендерінің саны 1,5 миллионнан асқан.

Сұлулық байқауының жеңімпазы атанып, тәжді аламын деген бойжеткендер 11-12 қыргүйек күндері Алматыдағы BM Production ғимаратына бара алады.

Сондай-ақ, сынға түсетін аруларға кастингтен өту үшін қойылатын талаптар да анық көрсетілген.