«Экономиканың негізгі секторларын демонополизациялау жұмыстарын жеделдету керек» - Смайылов

7 сәуір 2023, 10:31

1 721

ҚР Премьер-Министрі Әлихан Смайылов орталық мемлекеттік органдар, Бас прокуратура, ҚР Бәсекелестікті қорғау және дамыту агенттігін, Қаржылық мониторинг агенттігінің және басқа да ведомстволар басшылығының қатысуымен Экономиканы демонополизациялау жөніндегі комиссияның кезекті отырысын өткізді, - деп хабарлайды «Opennews.kz» ақпарат агенттігі Үкіметтің ресми сайтына сілтеме жасап.

Қатысушылар мұнай-газ саласының маңызды инфрақұрылымдық объектілерін мемлекет меншігіне қайтару барысын, теміржол жүк тасымалы нарығындағы жасанды монополияларды жою жөніндегі шараларды және астық тасымалдау нарығы субъектілерінің жауапкершілігін арттыру тетіктерін талқылады.

Премьер-Министр алдағы уақытта нақты экономикалық нәтижелерге қол жеткізу үшін басталған істер бойынша рәсімдерді және жалпы экономиканың негізгі секторларын демонополизациялау қарқынын жеделдетудің маңызын атап өтті.