ҮКІМЕТТЕ ҰЛТТЫҚ ЖОБАНЫҢ ОРЫНДАЛУ БАРЫСЫ МЕН ОТАНДЫҚ ФАРМАЦЕВТИКАЛЫҚ ӨНДІРІС МӘСЕЛЕЛЕРІ ТАЛҚЫЛАНДЫ

Үкіметте Ұлттық Жобаның орындалу барысы мен отандық фармацевтикалық өндіріс мәселелері талқыланды, - деп хабарлайды «Opennews.kz» ақпарат агенттігі.

Бүгін Премьер-Министр Әлихан Смайыловтың төрағалығымен өткен кеңесте ауылдық денсаулық сақтауды жаңғырту және отандық фармацевтика өндірісінің үлесін ұлғайту жөніндегі пилоттық ұлттық жобаны іске асыру мәселелері қаралды.

Бейінді ведомство басшысы Ажар Ғиният кеңеске қатысушыларды ұлттық жоба шеңберінде жүргізілген жұмыстар туралы хабардар етті.

Өңірлердің әкімдіктері 2023 жылы салынуы жоспарланған 309 МСАК объектісінің ішінен 300 жер учаскесін бөлді, Ұлытау облысының 9 жер учаскесінің құжаттарын ресімдеу сатысында тұр.  2024 жылы жоспарланған 346 объектінің 331-не жер учаскесі бөлінді, 15-і құжаттарды ресімдеу сатысында.

«Бүгінгі таңда «Turar Healthcare» КеАҚ жобалау жұмыстары жалғасуда. Объектілердің үлгілік жобаларында бірнеше новеллалар іске асырылды. Бірінші - барлық объектілерде ақпараттандыру (телемедицина) кабинеттері, физиотерапия кабинеттері, тәулік бойы жұмыс істеу мүмкіндігі бар дәріхана пункті пайда болды», - деп атап өтті А.Ғиният өз сөзінде.

Көп бейінді аудандық орталық ауруханаларды жөндеуге және реконструкциялауға қатысты Ұлттық жобаның шеңберінде бүгінгі таңда жоспарланған 30 объектінің ішінен 4 ауруханаға ЖСҚ әзірленді.

Бұдан басқа, министр ұлттық бағдарламаны іске асыру және құжатты іске асыру жоспарына қажетті өзгерістер енгізу үшін кадрлармен қамтамасыз ету мәселелері бойынша ахуал туралы хабардар етті.

Бұдан әрі Денсаулық сақтау министрлігінің басшысы Мемлекет басшысының Қазақстан Республикасы Президентінің «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасы шеңберінде отандық фармацевтикалық өндірістің үлесін 2029 жылға қарай 50%-ға дейін жеткізу бойынша қойған міндетінің орындалу барысы туралы баяндады.

«Осы бағытта біз 6 міндет пен 38 іс-шараны іске асыруды қамтитын тиісті жол картасын әзірледік. Жалпы, ОТӨ-ның 50% үлесіне қол жеткізу, шетелдік қатысумен инновациялық препараттарды оқшаулау бойынша бірқатар жобаларды іске асыру үшін Министрлік екі негізгі бағытта жұмыс жүргізуде, бұл нормативтік құқықтық актілерді жетілдіру және BIGPHARMA нарығының ойыншыларын тарту», - деп атап өтті Ажар Ғиният.

ҚР ДСМ деректері бойынша, 2022 жылдың 9 айының қорытындысы бойынша жергілікті фармацевтикалық нарықта отандық өндірістің дәрілік заттары мен медициналық бұйымдарының үлесі 29%-ды құрады, импорттық өнімнің үлесіне 71% тиісті болды. Жергілікті фармацевтикалық нарықта отандық өндірістегі дәрілік заттар мен медициналық бұйымдардың үлесі 2021 жылы 24% ды құрады, импорттық өнімнің үлесі 76% -ды құрады.

2023 жылы отандық өндірістегі дәрілік заттар мен медициналық бұйымдардың үлесін 33%-ға дейін жеткізу жоспарлануда, өткен жылы фармацевтика саласына салынған инвестициялар көлемі 29,2 млн. АҚШ долларын құрады.