RUB (+0.18) 8.21 KZT
USD (-1.87) 479.42 KZT
EUR (-6.40) 467.91 KZT
Денсаулық
16

Нәрестелер хирургиясының басты міндеті ұрықтағы ақауларды жатыр ішінде анықтау

Неонатальды хирургия – балалар хирургиясындағы ауыртпалығы көп, жауапкершілігі жоғары салаларының біреуі,- деп хабарлайды Opennews.kz ақпарат агенттігі.

 Дүние есігін енді ашқан жаңа туылған нәрестелердің өмірінің алғашқы күндері-ақ операция жасауын керек. Бүгінде ақаумен туылған балақайымызға өмірінің алғашқы күндерінде операция жасауға тура келді. Операция барысында науқасымызда ішілген асының асқазаннан әрі өтпеуінің себебі «Сақина тәрізді ұйқы безі» екені анықталып, «Кимур бойынша дуодено-дуоденоанастомоз жасалынған.

Бүгінде туабітті ақауларды ерте анық­тау ісіне нәрестелер хирургиясының қосып жатқан үлесі ұшан-теңіз. Ел аумағында бүгінде 249 босану мекемелері бар. Ал жүкті әйелдер заңға сәйкес міндетті түрде үш рет скринингтен өтеді. Көп жағдайда ұрық­тағы туабітті аурулар осы екінші скри­нинг кезінде (жүктіліктің 20-аптасын­да) анықталып жатады. Елімізде мұн­дай мүмкіндік бар. Осы жағдайды ескере отырып, «Денсаулық» мемлекеттік бағ­дарламасы шеңберінде өңірлерде сарап­­тамалық ультрадыбыстық зерттеу әдіс­те­ріне қажет мамандар даярланып, жаңа құрал-жабдықтар сатып алынды. 
Нәрестелер хирургиясының басты міндеті ұрықтағы ақауларды жатыр ішінде анықтап, оған көмек көрсетуге бола ма, жоқ әлде болмай ма деген сұраққа нақты жауап қату саналады. Себебі кей жағдайда баланың болашақ өміріне қатер төндіретін ақаулар да кезігіп жатады. Жалпы, елімізде туабітті ақаулардың саны артты деп айтуға болмайды. Неге десеңіз, ақаулардың саны емес, өңірлерде оны анықтаудың сапасы артты. Осыдан 10 жыл бұрын туабітті ақаулар нәресте дүниеге келген соң барып анықталатын еді. Оған ота жасау, ем-дом жүргізу мәселесі де шақалақтың кіндігі кесілгеннен кейін қолға алынып жатты. Ал бүгінде ультрадыбыстық зерттеу әдістерінің, арнайы аппараттардың, мамандардың көмегімен ұрықтағы ақаулар жатырішінде анықтала бастады. Баланың болашақ өмірімен үйлеспейтін, емдеуге келмейтін жүректегі, орталық нерв жүйе­сіндегі ақаулар жүктіліктің 20-аптасы­на дейін анықталған жағдайда ата-анасының рұқсатымен ұрықты алып тастау мүмкіндігі бар. Сондықтан бүгінде нәрестелер хирур­гия­­сының дамуы осы саламен тікелей байланысты.