СЫРБОЙЫЛЫҚ КӘСІПКЕРЛЕР КОРЕЯНЫҢ ІРІ КОМПАНИЯЛАРЫНЫҢ ӨКІЛДЕРІМЕН КЕЗДЕСТІ

16 қыркүйек 2026, 10:30

1 503

Мемлекет басшысы Қасым-Жомарт Тоқаевтың Корея Республикасына сапары аясында Қазақ-корей дөңгелек үстелі өтті.

Іс-шараға Қазақстан Республикасы мен Корея Республикасының іскерлік топтары, жетекші компаниялары және бизнес-қоғамдастық өкілдері қатысты.

Кездесу барысында инвестициялық жобаларды бірлесіп жүзеге асыру, сауда-экономикалық байланыстарды кеңейту, жаңа өндірістерді іске қосу және кәсіпкерлік байланыстарды нығайту бағыттары бойынша пікір алмасылды.

Аталған маңызды іс-шараға Жалағаш ауданында ауыл шаруашылығы саласында қызмет атқаратын «Агрохимсервис-С» ЖШС директоры Сергей Ким қатысты.

«Агрохимсервис-С» ЖШС өндірістік қуатын арттыруда бірқатар жобаны жүзеге асырып келеді. Кәсіпорын 2020 жылы жеке қаражаты есебінен минералды тыңайтқыштар өндіру зауытын іске қосты. Жылдық қуаты 30 мың тонна өнім шығаруға есептелген, оның аясында 11 жаңа жұмыс орны құрылды.

Қаржыландыруға «Өрлеу» бағдарламасы арқылы 750 млн теңге көлемінде несие қаражаты тартылды. Жоба-сметалық құжаттар әзірленіп, сараптаманың оң қорытындысы алынған. Құрылысты бастауға рұқсат беріліп, мемлекеттік қолдау ретінде 3 гектар жер учаскесі табысталды. Қазір құрылыс жұмыстарының 90 пайыздан астамы орындалған. Қытайдан қажетті құрал-жабдықтар жеткізіліп монтаждалуда. Толық іске қосылғаннан кейін қосымша 5 жаңа жұмыс орны ашылады.

Қызылорда облысы әкімінің баспасөз қызметі