Қызылорданың тергеу изоляторында сыбайлас жемқорлыққа қарсы түсіндірме жұмыстары жүргізілді

Қызылордада сыбайлас жемқорлыққа қарсы түсіндірме жұмысы күн тәртібінен түскен емес, деп хабарлайды Opennews.kz ақпарат агенттігі.


Жемқорлық мемлекеттің, қоғамның дамуына тұсау, болашағына кесірін тигізетін індет. Қазақстан Республикасының мемлекеттік саясатының негізгі басымдықтарының бірі – осы дертпен күрес. 

Сондықтан, Қызылорда облысы бойынша қылмыстық-атқару қызметі саласына қарасты  № 68 мемлекеттік мекемесі яғни, тергеу изоляторында сыбайлас жемқорлыққа  қарсы түсіндірме жұмысы күн тәртібінен түскен емес. 

Осы орайда, мекеменің кадр саясат тобының кәсіби қызметтік және дене шынықтыру даярлық жөніндегі аға инспекторы, әділет капитаны  Тұрымбетов Мирамбек Ұзақұлы :

Жеке  құрам  арасында сыбайлас жемқорлыққа қатысты заң бұзушылыққа бару әрекеттерін болдырмау, мұндай әрекеттің алдын алу және жол бермеу мақсатында күнделікті таралым алдында кезекшілікке түсетін қызметкерлерге арнайы контигентпен заңсыз байланысқа түспеу, сыбайлас жемқорлыққа жол бермеу қатаң түрде ескертіліп отырылады,- деді.

Сондай-ақ, әр апта сайын өтілетін мекеменің аппараттық жиналысында да, мекеме бастығынан бастап, жедел бөлім қызметкерлері  көпшілік алдында ҚАЖ комитетінен келген нұсқаулықтар мен  арнайы дайындалған  баяндамалар оқып,түсіндірме жұмыстарын үнемі жүргізіп отырады. 

Бұдан  бөлек Қызылорда  облысы ҚАЖ департаменті Өзіндік қауіпсіздік тобының қызметкерлері мен   Сыбайлас жемқорлыққа қарсы іс-қимыл агенттігінің Қызылорда облысы бойынша  департаментінің  мамандарының қатысуымен және мешіт имамдарын тарта отырып, әртүрлі  іс-шаралар өтілді. 



Атап айтсақ, күні кеше ғана   ҚР Сыбайлас жемқорлыққа қарсы іс-қимыл агенттігінің Қызылорда облысы бойынша Департаменті Первенция басқармасының бас маманы Қойбағарова Жанар Жалғасбайқызы арнайы шақыртылып, жеке құрам алдына келіп, «Сыбайлас жемқорлыққа қарсы  іс- қимылдың жаңа тетіктері» деген тақырыпта баяндама оқыды.

Бас маманның баяндамасы мемлекет басшысы Қасым-Жомарт Тоқаевтің 2022ж 2 ақпанындағы №802 жарлығымен шыққан ҚР-ның 2022- 2026 жж арналған сыбайлас жемқорлыққа қарсы саясатынының тұжырымдамасында жазылған негізгі мазмұны жайында болды. 

Сондай-ақ, « Сыбайлас жемқорлыққа қарсы іс-қимыл туралы» Қазақстан Республикасының Заңына енгізілген өзгерістер мен толықтырулардың жаңа редакциясында «айтарлықтай пара беру» қылмысы үшін ең жоғарғы санкция  бұрын 5 ж бас бостандығынан айыру болса, қазіргі жаңа редакцияға сәйкес, 7 жылға дейін ұлғайтылып, бұл қылмыстың ауыр  құқықтық салдары бар санатқа жатып, шартты түрде мерзімінен бұрын босатылуға тыйым салынатындығын баса айтты.

 Жиын соңында жеке құрамы тарапынан сұрақтар қойылды. Олар сыбайлас жемқорлыққа қарсы күрес әрбір мемлекеттің қызметкердің міндеті және борышы болып табылатындығын жете түсінді.