Психикалық ауруы бар 78 адамға жүргізуші куәлігі берілген
1 463
Абай облысында психикалық ауруы бар 78 адамға көлік жүргізуге құқық берілгені анықталды, - деп хабарлайды "Opennews.kz" ақпарат агенттігі.
Бұл туралы облыстық прокуратура мәлім етті.
"2023 жылы жол қозғалысы қауіпсіздігіне талдау жүргізілді. Нәтижесінде облыста психикалық ауруы бар 78 адамға жүргізуші куәлігі берілгені анықталды. Құжаттар жарамды болған", - деп жазылған хабарламада.
Прокурорлық қадағалау актілері бойынша 78 адамның 50-і жүргізуші куәлігінен айырылды. Қалғандары бойынша тексеріс жүргізіліп жатыр.
