Түркістанда қызылордалық екі бүлдіршіннің мәйіті табылды
1 659
Түркістан қаласының жалдамалы пәтерінде 3 және 5 жасар кәмелет жасқа толмаған Қызылорда облысының тұрғындарының мәйіті табылған, - деп хабарлайды "Opennews.kz" ақпарат агенттігі.
Қызылорда облысы, Шиелі ауданының тұрғыны алғашқы деректер бойынша, отбасылық кикілжіңнен соң 2 тәулікке Түркістандағы ықшамаудандардың бірінен пәтер жалдаған. Балалардың анасы досына телефон арқылы пәтер мекен-жайын хабарлағаны белгілі болды. Оқиға сол жерде орын алған. Іздестіру шаралары жүргізілуде.
Осы факті бойынша қылмыстық іс қозғалды. Өлімнің себебін анықтау үшін балалардың денесі сараптамаға жолданды.
"Қазіргі уақытта болған оқиғаның барлық мән-жайын анықтау және балалардың қайтыс болғаны мен олардың мекен-жайы туралы құрбысына хабарлаған ананың, яғни Қызылорда облысы тұрғынының орналасқан жерін анықтау мақсатында қажетті жедел-тергеу шаралары жүргізілуде. Істің тергеу барысы менің жеке бақылауымда", - деді Түркістан облыстық полиция департаментінің басшысы Мұрат Қабденов.
