Имам садақадан түскен ақшаға қымбат көлік сатып алған
1 688
Әлеуметтік желі қолданушысы Оразбек Садықов тараздық имамның садақаға түскен қаражатқа қымбат көлік сатып алғанын айтты, - деп хабарлайды "Opennews.kz" ақпарат агенттігі.
"Міне, көріңіздер, мешітке берген пітір садақа, баска садақалар, қай жаққа кетіп жатыр. Жетімдерге емес, мүгедектерге емес, қиналып жатқан жанұяларға емес, су тасқынынан зардап шеккендерге емес. Семіргеннен соңғы үлгідегі шыққан Lexus көлігін алып жатыр. Көліктің VIP нөмірі 5000 доллар турады дейді. Бұлар да шенеуніктердің бір түрі ғой. Пітір садақаны лажы болса баласы көп, қаңтарда зардап шеккен, жағдайы жоқ жанұяларға, ауырып жатқан емге ақша жетпей жатқан азаматтарға берген қабыл болады, таза ниетімен 50- 100 теңге болса да", - деп жазды ол.
ҚМДБ видеодағы дін қызметкерінің «әл-Әділ» мешітінің имамы екенін растады. Алайда аталған қымбат көліктің дін қызметкерінікі еместігін мәлімдеді.
«Рамазан айында көптеген қазақстандық мешіттерде қайырымдылық шараларын өткізеді. Бейнежазбада көрсетілген көлік келушілердің біріне тиесілі», — деді басқарма.
