Мас күйеуінен қорғанған жүкті әйел бас бостандығынан шектелді
1 111
Ұлытауда мас күйеуінен қорғанып пышақпен жарақаттаған жүкті әйел сотталды, - деп хабарлайды "Opennews.kz" ақпарат агенттігі.
Мас болған күйеуінің кеуде тұсына пышақ сұққан әйелге үкім шықты. Оқиға 2024 жылдың 6 маусымына қараған түні болған. Ер адам үйге мас күйінде келіп, жүкті әйеліне балағат сөздер айтып, кейін оны ұрған.
Ер адам тірі қалып, әйел ауыр дене жарақатын келтіргені үшін сотталды.
Прокурор төрт жарым жылға бас бостандығынан айыруды талап етті. Бірақ сот жеңілірек шешім қабылдады - осындай мерзімге бас бостандығын шектеу жазасы тағайындалды.
