Үндістан мен Қазақстан арасында тағы бір әуе рейсі ашылады
Үндістан мен Қазақстан астаналары арасында жаңа маршрут іске қосылады, - деп хабарлайды "Opennews.kz" ақпарат агенттігі.
5 ақпанда Қазақстанның авиациялық билігі Астананың халықаралық әуежайы өкілдерінің қатысуымен "Indigo" үнді "лоу-кост" әуекомпаниясының басшылығымен кездесу өткізді.
Сонымен қатар, бұған дейін "Эйр Астана" қазақстандық әуекомпания биылғы 20 сәуірден бастап "Airbus" үлгісіндегі әуе кемесінде аптасына 3 рет жиілікпен Алматы – Мумбай бағыты бойынша Үндістанға рейстер ашатыны хабарланған болатын.
Жалпы, көктемгі-жазғы навигация кезеңінде елдер арасындағы жолаушылар рейстерінің 5 әуе бағыты бойынша аптасына 24 рейске дейін ұлғаюы күтіледі. Қазіргі уақытта тұрақты әуе қатынасы Алматы – Дели ("Эйр Астана" - аптасына 7 рейс, "IndiGo" - аптасына 7 рейс), Алматы – Гоа (SCAT – 2), Астана – Гоа (FlyArystan – 2) бағыттары бойынша орындалады.