Қазақстанда жүк көліктерінің қозғалысына уақытша шектеу қойылады

Қазақстанда көктемгі кезеңде республикалық маңызы бар автожолдарды сақтау мақсатында ауыр жүк көліктерінің қозғалысына уақытша шектеу енгізіледі, - деп хабарлайды "Opennews.kz" ақпарат агенттігі.

"ҚазАвтоЖол" ҰК" АҚ мәліметінше, 2025 жылғы 1 наурыздан 1 сәуірге дейін жеке білікке түсетін жүктемесі 8 тоннадан артық көліктерге "бесінші жол климаттық аймаққа" жататын келесі облыстарда жүруге тыйым салынады:

• Алматы облысы

• Атырау облысы

• Жамбыл облысы

• Ұлытау облысы

• Қызылорда облысы

• Маңғыстау облысы

• Жетісу облысы

• Түркістан облысы

Алайда халықаралық жүк және жолаушылар тасымалына, төтенше жағдайлар мен олардың салдарын алдын алу және оларды жою жөніндегі іс-шараларды жүзеге асыратын көліктерге, гуманитарлық көмек көрсететін, азық-түліктерді, дәрі-дәрмектерді, жолаушылар мен багаж тасымалын жүзеге асыратын көліктерге, жол-құрылыс жұмыстарына пайдаланылатын көліктерге бұл шектеулер қойылмайды.