Ақмола облысында 13 жастағы жасөспірім жұмбақ жағдайда қаза тапты
2 297
Қайғылы оқиға Ақмола облысы Зеренді ауданы Қызылсая ауылында 2 шілдеде болған. 13 жастағы баланың туыстары оның жансыз денесін жазғы ас үйден тапқан. Полиция мән-жайды анықтап жатыр, - деп хабарлайды "Opennews.kz" ақпарат агенттігі.
Ақмола облысының Полиция департаменті кәмелетке толмаған адамның қайтыс болуына байланысты қылмыстық іс қозғалғанын хабарлады.
"Қазір полиция қызметкерлері оқиғаның мән-жайын анықтап жатыр. Өлімнің нақты себебін анықтау үшін сараптама тағайындалды", - деді полиция.
Әлеуметтік желілерде бұл жайт қызу талқыланып жатыр. Бір нұсқа бойынша жасөспірімнің өліміне улы түтіндерден улану себеп болуы мүмкін.
