Қаз
Рус
Қоқыс жәшігінен жаңа туған сәбидің денесі табылды
Түркістан облысының Кентау қаласында қоқыс контейнерінен жаңа туған нәрестенің денесі табылды,-деп хабарлайды Opennews.kz ақпарат агенттігі.
Полиция департаментінің мәлімдеуінше, оқиға бойынша қылмыстық іс қозғалып, тергеу басталған. Полицейлер сәбидің анасын анықтау үшін жедел-іздестіру шараларын жүргізуде. Тәртіп сақшылары үй-үйді аралап, жақын маңдағы бейнебақылау камераларының жазбаларын қарап жатыр. Сонымен қатар оқиға орнында болуы мүмкін куәгерлерден жауап алынып, медициналық мекемелер де тексерілуде.
«Тергеу барысында барлық мән-жайды анықтауға бағытталған қажетті шаралар жалғасуда. Оның нәтижесі бойынша тиісті шешім қабылданады. Тергеу мүддесіне байланысты басқа ақпарат жариялауға жатпайды», – делінген полиция таратқан ресми хабарламада.
