Аялдама маңынан ер адамның мәйіті табылды
1 570
Астанада аялдама маңынан 66 жастағы ер адамның мәйіті табылды, - деп хабарлайды "Opennews.kz" ақпарат агенттігі.
Әлеуметтік желіде А108 көшесіндегі аялдама маңында адамның мұзға тайып құлап, мерт болғыны туралы ақпарат тарады. Желі қолданушылары оның басынан қатты жарақат алып, оқиға орнында көз жұмғаны туралы жазды.
Қала әкімдігі желіде тараған ақпаратқа қатысты пікір білдіріп, оны мұзға тайып құлап, мерт болғанын жоққа шығарды.
“А108 көшесінде автобус аялдамасында ес-түссіз жатқан 66 жатсағы ер адам табылған. Оқиға орнына жеткен жедел жәрдем бригадасы оның өлімін биологиялық өлім деп тіркеді. Көктайғақ салдарынан ер адамның тайып құлап, көз жұмғаны туралы ақпарат шындыққа сай келмейді”, – деп мәлімдеді әкімдік.
Полиция ер адамның жеке басын анықтады.
Қазір оқиғаның мән-жайын анықтау үшін тексеру жүргізіліп жатыр. Қажетті сараптамалар тағайындалды.
