Айзат Жұманованы өлтірген күйеуі 14 жылға сотталды

Талдықорғанда күйеуінің қолынан қаза тапқан Айзат Жұманованың ісі бойынша үкім шығарылды. Сот оның күйеуі Айбар Жанболатты кінәлі деп танып, 14 жылға бас бостандығынан айырды, - деп хабарлайды "Opennews.kz" ақпарат агенттігі.

Айзат Жұманованың күйеуі Айбар Жанболат 14 жылға бас бостандығынан айырылды. Сот оны Қылмыстық кодекстің 99-бабы 1-бөлігі (Адам өлтіру) бойынша кінәлі деп таныды. Бұған дейін мемлекеттік айыптаушы соттан 15 жыл жаза тағайындауды сұраған еді.

Сот жәбірленуші тараптың азаматтық талап-арызын ішінара қанағаттандырды. Үкімге сәйкес, сотталған азаматтан 20 миллион теңге моральдық зиян мен 1,7 миллион теңге адвокат қызметіне кеткен шығындарды өтеу туралы шешім шығарылды.