Заңсыз қалдық полигондар үшін әкімдер жауапкершілікке тартылды
1 507
Павлодар облысында экологиялық талаптарды бұзғаны үшін сегіз әкім әкімшілік жауапкершілікке тартылды, - деп хабарлайды Opennews.kz ақпарат агенттігі kaz.nur.kz сайтына сілтеме жасап.
Прокуратура жүргізген талдау нәтижесінде Аққулы ауданы аумағында қатты тұрмыстық қалдықтарға арналған жиырмадан астам полигон анықталған. Бұл туралы ведомство хабарлады. Анықталған нысандардың ешқайсысында қоршаған ортаға эмиссияларға рұқсат құжаттары болмаған. Тексеру барысында экологиялық талаптардың сақталмауы да тіркелген.
"Экологиялық-санитариялық талаптарға сәйкессіздіктер анықталды, сондай-ақ нормативтік-техникалық құжаттаманың жоқтығы, қоршаған ортаға теріс әсердің алдын алу үшін жинақталған қалдықтардан түзілетін фильтрат пен ағын суларды бақылау жүйесінің жолға қойылмағаны белгілі болды. Өздігінен пайда болған полигондар қоқыс газының шығарындыларын бақылау жүйесімен жабдықталмаған. Анықталғандай, олар коммуналдық қалдықтарды бақылаусыз орналастыру салдарынан пайда болған. Өз кезегінде жергілікті атқарушы органдар тарапынан коммуналдық қалдықтарды басқару кезінде экологиялық талаптардың сақталуы қамтамасыз етілмеген", - делінген хабарламада.
Тексеру қорытындысы бойынша сегіз ауылдық округтің әкімдері әкімшілік жауапкершілікке тартылды. Жалпы сомасы 1,7 миллион теңге көлемінде айыппұл салынған.
