Әскери қызметкерлерде жалақы мен жәрдемақы мөлшері артты

Қорғаныс министрлігі әскери қызметкерлерге төленетін жалақы мен жәрдемақы көлемін ұлғайтуда, - деп хабарлайды Opennews.kz ақпараттық агенттігі.
Қазақстанда әскери қызметшілерді әлеуметтік қолдау мақсатында төленетін материалдық көмек мөлшері 425 мың теңгеге дейін ұлғайтылды. Жаңа ережеге сәйкес, төлемдер келесі жағдайлар бойынша жүзеге асырылады:
Материалдық көмек мөлшері:
• 425 000 теңгеге дейін (5 ең төменгі жалақы) — жақын туыстары, жұбайы немесе қайын жұрты қайтыс болған жағдайда;
• 255 000 теңгеге дейін (3 ең төменгі жалақы) — некеге тұру, бала туу, бала асырап алу, мүліктік зиян келу немесе емделу қажет болған жағдайларда беріледі.
Сыйақы беру тәртібі:
Құжатта әскерилерді ынталандырудың жаңа тетіктері де қарастырылған. Сыйақылар келесі жетістіктер үшін берілуі мүмкін:
• Ерекше маңызды және күрделі тапсырмаларды орындағаны үшін;
• Қызметте жоғары нәтижелерге қол жеткізгені үшін;
• Мемлекеттік және кәсіби мерекелерге орай;
• Мерейтойларға байланысты (40 жасқа толғанда және одан кейін әр бес жыл сайын).
Бұл шаралар әскери қызметтің беделін арттыруға және офицерлер мен сарбаздардың әлеуметтік жағдайын жақсартуға бағытталған.