Мұнаралы кран құлап, слесарь қаза тапты, әйел аяғынан айырылды

Қайғылы оқиға 31 тамызда Астанадағы құрылыс нысанында болған. Мұнаралы кранды бөлшектеу кезінде құрылым құлап кеткен. Слесарь оқиға орнында қаза тапты. Кран жүргізушісі Ақмарал Қарабалиева ес-түссіз күйде ауруханаға жеткізілді, - деп хабарлайды  Opennews.kz  ақпарат агенттігі.

Алған жарақаттарының салдарынан әйелдің оң аяғы кесіліп алынды. Зардап шеккен әйелдің айтуынша, құлау алдында жұмысшылар мұнаралы кранның секцияларын бөлшектеген. Жұмыс беруші оған мүгедектер арбасын сатып алып беріп, Қарабалиеваның айтуынша, үш айлық жалақысы көлемінде өтемақы ұсынған. Әйел бұл соманы аз деп есептейді және еңбекке қабілеттілігінен айырылуына байланысты өмір бойы төлем талап етуде.

Оқиға фактісі бойынша арнайы комиссия жұмыс істеп жатыр. Тергеу әрекеттері аяқталғанға дейін мұнаралы кран орнында тұр. Қарабалиеваны осы аптада ауруханадан шығару жоспарланып отыр.