Елімізде ағаш экспортына тыйым салынады

453

Қазақстанда ағаштың жекелеген түрлерін экспорттауға мораторий жарияланды- деп хабарлайды Opennews.kz ақпарат агенттігі. 

"Ресейден шыққан ағаш материалдарын рұқсатсыз қайта экспорттауға жол бермеу үшін, отандық кәсіпорындарды шикізатпен қамтамасыз ете отырып, ағаштың жекелеген түрлерін Қазақстан Республикасының аумағынан әкетуге шыққан еліне қарамастан алты ай мерзімге тыйым салынады", - делінген хабарламада.

Қазақстан Республикасы премьер-министрінің бірінші орынбасары Әлихан Смайылов сонымен қатар ведомствоаралық комиссия отырысында экспорттық мораторийді алып тастау туралы шешім қабылданғанға дейін әр алты ай сайын шектеулерді автоматты түрде жаңарту туралы ұсынысты мақұлдады.