Қызылордада 20 жастағы жігіт мұнай кен орнында мерт болды
403
Қызылордада Кеңлік мұнай кен орнында 20 жастағы мұнай өндіру операторы мұнай сақтайтын ыдысқа түсіп кетіп, оқиға орнында көз жұмды,- деп хабарлайды Opennews.kz ақпарат агенттігі.Қызылорда облыстық полиция департаменті баспасөз қызметінің мәлімдеуінше, оқиға жергілікті мұнай өндіру компаниясының өндіріс орнында болған. Ал көз жұмған жұмысшы сол компанияда мұнай өндіру операторы болып жұмыс істеген.
«Сырдария ауданының полиция бөлімі аталған дерек бойынша ҚР Қылмыстық кодексінің 156-бабының 3-бөлігімен қылмыстық істі сотқа дейінгі тергеп-тексерудің бірыңғай тізіліміне тіркеді. Қазіргі таңда оқиғаның мән-жайы нақтыланып жатыр. Қылмыстық–процестік кодекстің 201-бабының талаптарына сәйкес басқа деректер жариялауға жатпайды», - деп мәлім етті Қызылорда облыстық полиция департаменті.
