Қос бүйрегі істен шыққан журналист көпшіліктен көмек сұрайды

25 тамыз 2022, 15:17

315

Әсел Жақыпбек – бір кездері көпке қол ұшын созып, ел аузында жүрген "Айтуға оңай" бағдарламасының редакторы. Қазір өзі де көмекке мұқтаж. Әселдің қос бүйрегі 2 жыл бұрын істен шыққан. Алайда ел ішінде донор табылмағандықтан, көптен көмек сұрауға мәжбүр, деп хабарлайды Opennews.kz ақпарат агенттігі Almaty.tv арнасына сілтеме жасап.

"Қазір менде шегінерге жол жоқ. Менің емімнің бір ғана жолы – бүйректі ауыстыру. Жолдасым, ата-анам, бауырларым тапсырды. Менің қан тобыма ешқайсысы сәйкес келмейді. Білмеймін, амалдың жоқтығынан...", – деді Әсел Жақыпбек.

Әселдің айтуынша, дерт анықталғанда жүкті болған екен. Іштегі 5 айлық аман баланы алдыруға мәжбүр болған. Бұғанасы қатпаған балаларым үшін жүрегім ауырады, деген ана 1 аптаның ішінде керек соманы жинап, ота жасатуы тиіс.

"Тездетіп емдетсек, балаларымыздың қызығын ұзағынан көрсек. 67 мың АҚШ долларын сұрады, теңгемен есептесек, 30 млн болады. Енді үлкен сомма, қорықтық. Жанашыр адамдардың арқасында жартысынан көп қаражат жинадық. Дәл қазіргі таңда 6 млн 900 мыңдай қалды", – деді Ә.Жақыпбектің күйеуі Бақытжан Бағланұлы.

"Балаларым өте кішкентай. Олар да біледі ақша жинап жүргенімізді. Ұлым 6-да, түсінеді, жерден ақша тауып алса да "Мама, мынау сенің еміңе, сен жазыласың" деп маған әкеп береді",- деді Әсел Жақыпбек.

Әселдің диагнозы – созылмалы бүйрек жетіспеушілігі. Аурумен алысқанына биыл екінші жыл. Ал ағза тазаланбаған соң, диализ алған соң жағдай қиын, уақыт аз.

Kaspi bank: 4400 4302 6899 2010; Әсел Ж.

Байланыс телефоны: 7 707 597 62 27