Алматы-Петропавл бағытындағы жолаушылар пойызынан өрт шықты

Алматы-Петропавл бағытындағы жолаушылар пойызы Астана маңында жедел тоқтады. Зардап шеккендер мен құрбандар жоқ, деп хабарлайды Opennews.kz ақпарат агенттігі.

Пойызда бұл кезде 184 жолаушы болған. Олардың барлығы келесі пойыз келгенше басқа орынға жеткізілді. 
Пойыздың шұғыл тоқтауына техникалық вагондағы ақау себеп болған. Вагон ауыстырылған. Тексеріс жүргізу үшін комиссия құрылды. 

26 қыркүйекке дейін Алматы-2-Петропавл 105/106 пойызының екі рейсі кейінге қалдырылды.