Жаңақорғандық тұрғын қате диагноз қойған дәрігерлер жазасын алсын дейді

18 қыркүйек 2023, 12:08

6 508

Елімізде дәрігердің қателігінен жапа шеккендер санап артып келеді,- деп хабарлайды "Opennews.kz" ақпарат агенттігі.

Ісіне салғырттық танытып, сау адамды сал еткен, өмір сыйлаудың орнына өлім құштырған медицина мамандары қылмыстық жауапкершілікке жиі тартылатындығынан хабардар болып жүрміз. Дәрігер қателігін дәлелдеу қиын деп жүргенде жұрт не өтемақы ала алмай, не сотқа шағымдана алмай, сан соғып қалатыны тағы бар. Тіпті дәрігердің нұсқаулығымен берілген дәрі-дәрмектің кері әсері тиген жәйттер де жетерлік. Солардың бірі Қызылорда облысына қарасты Жаңақорған ауданының тұрғыны Сапарбаев Марат Талғатұлы аудандық дәрігерлердің салғырттығынан ұлымның қос жанарына зиян келді деп наразылығын білдіруде.

«Ауданда 2 жедел-жәрдем көлігі бар. Шақыртудың өзін біз 1 сағат 45 минут күтеміз. Ауруханаға шұғыл жету қиын бізге. Дәрігерлердің тапшылығы да бар. Дәрігерлер қағаз жүзінде жақсы жұмыс жасайды. Ал, қара халықтың денсаулығына немқұрайлы қарайды. Ауданда лор, окулист, офтальмолог секілді мамандар аптасына бір рет қана қабылдайды. Баламның немқұрайлы қарайтын дәрігерлердің үстінен талап арызым қанағаттанбай, жеңіл сөгіс берілген. Бүгінде 12 жасар ұлым Арафат Маратұлы көздің жұқпалы конъюнктивит анықталып отыр. Оны ақылы дәрігерлерер анықтап отыр. Баламның көзіне дәрігердің нұсқаулығынсыз көз тамшыларын берген медбике мен дәрігерлер тиісті жазасын алсын. Нақтысын айтқанда, аудандық емханадағы бас дәрігері, меңгеруші, аурухананың бас дәрігері, жүұпалы аурулар ауруханасының дәрігерлері өз қызметтерін толық атқара алмағаны үшін мен зардап шегіп отырмын.»,- деді Сапарбаев Марат.

Дәрігерлерден қателік кетпесіне ешкім кепілдік бере алмайды. Өмір болған соң қате-кемшіліктер де кездесіп қалатыны расҚазіргі медицина адамды аман алып қалуға кепілдік беруге қауқарлы емес. Мұны да ескеру керек секілді.

Отбасыма дәрігерлерден көмек емес зияны көбірек тиді деген әкенің бүгінде 12 жасар ұлының қос жанары жасқа толып отыр. Арафаттың мектеп табылдырығын аттамай, емхана мен ақылы клиникаларды жағалап жүргені өкінішті. Айта кету керек, аудандық дәрігерлер үстміздегі жылдың басында Еңбек кодексінің 64,65 баптары бойынша «Сөгіс» пен «Ескерту» алғаны да жасырын емес.

Дәрігердің берген көз тамшысы ұлымның көзін ашытып, мүлдем жарыққа қараса көзі жасаурап, күнге қараудан қалды. Жіберілген ағаттыққа кім жауап береді? Балалардың денсаулығына немқұрайлы қарайтын дәрігерлер қанша өмірге балта шапқанын қаламаймын. Сондықтан қызметін босатуын талап еткен әке ауруханаға ұлымды жатқызуға қорқамын дейді.

«Аудандық дәрігерлердің жіберген қателіктеріне тойдым. Өзімді 10 күн ем алды деп берген құжатта. Ал мен 1 күннен соң ем қабылдауым тоқтаған болатын. Жергілікті дәрігерлер неге құжат толтыруға асығады. Адам өмірі маңызды болмағаны ма? Облыстық деңгейдегі дәрігерлерге қаралуға секем алып қалдық. Окулист Ермаганбетова Асель мен көмексіші Ердаулеткызы Шұғыланың жауап бергенін қалаймын.», - деді Марат Талғатұлы.

Баласының жанарын қайта қалпына келуі үшін тау мен тасқа соқтыққан әке ауданнан облысқа ат басын бұрып әділдік іздеп келген болатын. Алайда, Облыстық денсаулық сақтау басқармасының міндетін атқарушы
Шаймбетов Жангельды Мырзагельдиевичтің қабылдауында болғанын атап өтті.

«Қазіргі таңда аудан тұрғынын қабылдап, мәселесі толық тыңдалды. Фарм.контроль бөліміне бағытталып, арыз-шағым бөліміне тұрғын тарапынан жазбаша арыз қалдырылды. Шағым негізінде мамандардың жауапкершілігі қаралып, нәтижесі бойынша анықтау жұмыстары жүргізіледі.»,- деді Денсаулық сақтау басқармасы басшысының емдеу, алдын алу жұмыстары жөніндегі орынбасары Жангелді Мырзагелдіұлы.

Халықтың дене және рухани күшінің жан-жақты дами беруіне қолайлы жағдайлар туғызу, халыққа тегін, жалпыға бірдей, жоғары дәрежедегі мамандандырылған медициналық көмек көрсетуді қам-тамасыз ету біздің тәуелсіз егеменді мемлекетіміздің аса маңызды міндеттерінің бірі. Десек те, ақ халатты абзал жандарымыздың өлім мен өмірдің арашасы екенін ұмытпағанымыз абзал.