RUB (+0.18) 8.21 KZT
USD (-1.87) 479.42 KZT
EUR (-6.40) 467.91 KZT
Шоу-Бизнес
315

Серікбол Сайлаубек соқыр болғанына әкесін кінәлады

Белгілі әнші Серікбол Сайлаубек өмірге бір көзсіз келген. Соқыр болып туғанын ол әкесінің дұғасымен байланыстырады, деп хабарлайды Opennews.kz ақпарат агенттігі Экспресс К сайтына сілтеме жасап.


Бұл туралы танымал әнші журналист Нұрсейіт Жылқышыбайдың "Уақыт көрсетеді" бағдарламасына берген сұхбатында айтты. Оның айтуынша, анасы өмірге 4 қыз алып келген екен.

Сонда әкесі Аллаға жалбарынып "бір көзі соқыр болса да, ұл бала бер" деп дұға қылған екен. Тілегі қабыл болды ма, Серікбол дүниеге бір көзсіз келген. Сондықтан әнші адамдардың жақсы сөз айтып, дұрыс тілек тілегені абзал дейді.

"Анам өмірге төрт қыз алып келген. Әкем ұлды армандап, Алладан "бір көзі соқыр болса да ұл берші" деп тілеген екен. Сол тілегі қабыл болды ма, туғаннан бір көзім көрмейді. Сондықтан адам дұрыс сөйлеуі керек. Өйткені әр сөзің қабыл болып қалады. Жақсы сөздерді көп айтайық, бір-бірімізді көтермелеп, қолпаштап жүрейік", — деді Серікбол Сайлаубек.