Қызылордада мұғалім 8 - сынып оқушысын зорлаған

Қызылорда қаласына қарасты Ақсуат ауылдық округінде орналасқан  №143 мұғалімі 8 –сынып оқушысын  зорлағаны жайында ақпарат жарияланды, - деп хабарлайды Opennews.kz ақпарат агенттігі.


Сорақысы сол, 8 сынып оқушысын психолог  маманы зорлағаны жайында тәуелсіз журналист Үйтолған Жареке  өзінің Facebook парақшасында жариялаған болатын. 

Зорлаған мұғалім өз өзіне қол жұмсап қайтыс болыпты. Үйден оқитын аурушаң қызға зейнеттегі психологтың сабақ беруіне жол берген мектеп директорының, білім бөлімі басшысының жауапкершілігі қаралуы тиіс.
Психикасы бұзылған шалға сағат берген тәрбие завучтары емес. Неге екі тәрбие завучы жұмыстан босатылады? Олардың отбасы, бала-шағасын кім асырайды?,- деп жазды журналист. 

№143 мектептің 8 сыныпында оқитын қыз бала  үй жағдайында білім алатын оқушылар  қатарынан болған. Мектеп директоры мен орынбасарлары зейнет жасындағы психологті аурушаң қызға сабақ жүргізуге жібергендігі анықталған.

Бұл мәселемен құзырлы органдар айналысуда. Ішкі тексеріс жұмыстары  жүргізілді. Әзірге ешқандай өзге ақпарат жария етілмейді. Ақпарат  расталды. Бүгінде , оқиға бойынша, мектеп басшысы мен екі тәрбие орынбасары жұмыстан босатылды, - деді Қызылорда қаласы білім бөлімінің мамандары. 

Бүгінде қылмыстық іс бойынша құзырлы органдар тергеп-тексеру жұмыстары жүргізілуде екендігі аталып өтті. Десек те, ерекше күтімді талап ететін оқушыға құйтырқы әрекетін жүзеге асырып, азғындық әрекетіне бой алдырған ұстаздарымыздың қатары азаяр ма екен?