Көпқабатты тұрғын үйдегі өрттен үш бала қаза тапты

Астана қаласының Есіл ауданындағы Түркістан көшесінде орналасқан 21 қабатты тұрғын үйдің 15- ші қабатындағы пәтерден өрт шыққан,- деп хабарлайды Opennews.kz ақпарат агенттігі kaz.inform.kz сайтына сілтеме жасап.

Хабарлама түскеннен кейін Төтенше жағдайлар министрлігінің күштері мен құралдары оқиға орнына жедел түрде жетті. Алғашқы бөлімшелер келген кезде пәтердің ашық жалынға оранғаны анықталды. Өртті сөндіру барысында жанып жатқан пәтерден күйік алған әйел құтқарылып, жедел медициналық жәрдем бригадасына тапсырылған. Зардап шеккен тұрғын №1 көпсалалы қалалық ауруханаға жеткізіліп, емдеуге жатқызылған.

Өрт толықтай сөндірілген. Қазіргі уақытта оның шығу себептері анықталып жатыр. Әкімдік мәліметінше, зардап шеккен әйелге және қаза тапқан балалардың отбасына қажетті жан-жақты көмек көрсетіледі. Жағдай жергілікті атқарушы органдардың бақылауына алынған.