Меруерт Сәрсенова Азиада-2026-да ел намысын қорғайды

Маңғыстаулық дзюдошы Меруерт Сәрсенова Жапонияда 19 қыркүйек пен 4 қазан аралығында өтетін 2026 жылғы жазғы Азия ойындарына қатыспақ, -  деп хабарлайды Opennews.kz ақпарат агенттігі.

Қыркүйектің 19-ы мен қазанның 4-і аралығында жапондық Айти-Нагоя қаласында ХХ Жазғы Азия ойындары өтеді. Дзюдодан жарыстар қыркүйектің 29-ы мен қазанның 2-сі аралығында өтеді.

Аймақтық дзюдо федерациясы ұлттық құраманың жаттықтырушылар кеңесінің шешімімен Маңғыстау облысының спортшысы Меруерт Сәрсенованың (52 келі) құрама құрамына енгенін хабарлады.

Алдағы ойындардың бағдарламасына 43 спорт түрі енгізіліп, олар бойынша 438 медаль жиынтығы сарапқа салынады. Алдын ала 30-дан астам спорт түрінен 500-ге жуық қазақстандық спортшының қатысуы жоспарлануда.