RUB (+0.18) 8.21 KZT
USD (-1.87) 479.42 KZT
EUR (-6.40) 467.91 KZT
Денсаулық
4 168

Қызылордада емхана қызметкерлері әділдік іздеуде

Қызылорда қаласында медицина саласындағы  олқылықтар басылар емес, - деп хабарлайды Opennews.kz ақпарат агенттігі.

Біздің ақпарат агенттігіне  №4 қалалық  емхананың қызметкерлері өз есімдерін жарияламауды сұрап арнайы хат жолдаған болатын.


Қызметкерлердің айтуынша, өздеріне тиесілі бірлігімізді басшылық тарапынан 0,75 бірлікке қаражаттың тапшылығына байланысты қысқартқан. Ең сорақысы заңсыз әрекет орын алған мекеменің мемлекет тарапынан жеке меншікке өтті, деген ақпарат тарап кетті деп наразылық білдіруде.

«№4  қалалық   емхана басшылығының  істеп  отырған   істері заңды ма? Біреуді қаралау мәселесі  емес, дұрыс бұрыстығына көз жеткізу. Мекеменің қаржысы жетпейді дегенді алға тартып, жылдың  аяғына дейін   үнемдеу  мақсатында медбике мен фельдшерлердің ғана бірлігін азайту қаншалықты заңды?     Орташа санаттағы қызметкерлерді еріксіз қысқартуына қарсымыз!»,- дейді қызметкерлер. 

 Расында, мекемеде қаржы жетіспеушілігі орын алған жағдайда барлық қызметкерлер үшін де осы қысқарту қаралсын деген медбикелер наразылық білдіруде. 


«Басшылық тарапы мен дәрігерлердің жалақысы сақталуы заңсыз деп түсінеміз. Бізді алалаумен тең»,- деген қызметкерлер,   тіпті аты-жөнін жасыруды сұрап, келер күні мансабымызға кедергі келмесе екен дейді.
Қызметкерлердің айтуынша, тамыз, қыркүйек   айларында   кезекті  еңбек   демалысына  шыққан қызметкерлер   әлі   күнге дейін ақшасын  аламай  отырғандығын жеткізді.
Алайда, емхана басшысы Бақыт Махатайқызы  аталған ақпараттың рас өтірігін айту үшін, әуелі алдыңызға келген арыз-шағымды көрсетіңіз деп талап қоюда.




Десе де, емхананың бас дәрігерінің орынбасары басқа деректерді атап өткен болатын.

«Қазіргі таңда емханада аталмыш мәселе орын алғаны жөнінде қызметкерлердің бәріне түсіндіру жұмыстары жүргізілді. Бәріне толық ақпарат берілді. Емхана мекемелердің бәріне қарыз. Амалсыздан бардық.»,- дейді емхананың бас дәрігерінің орынбасары Лаура Есенгелдіқызы.



Ең қызығы қандай қарыз дегенімізде басшылық жауап береді деген болатын. Ал, басшылықтың «қарызы»   жөнінде Облыстық  денсаулық сақтау басқармасы басшысының  хабары бар ма? Әлде жергілікті емхана басшылары шешімді өздері ішінара қабылдауға кірісіп кеткен бе?
Бұл жөнінде Облыстық денсаулық сақтау басқармасының бас есепшісі аталмыш мәселе бойынша ақпарат келіп түскен жоқ деген болатын. 

«№4 емханада ақысыз еңбек демалысына қатысты ақпаратыңыз бойынша тексердік. Алайда, кезекті еңбек демалысынан түскен қызметкерлердің жетпеген күндері бойынша жүргізілген» ,- дейді Мейрамкүл Достанова. 

Тиісті 8 сағат қызметіміз 6 сағатқа қысқартылып, жалақымыз да тиесілінше қысқартылып жатыр деген қызметкерлер алдағы күндері жалақымыз төмендесе несиеміз бен нан пұлымызға жетпейтін болды, деп дабыл қағуда.

 Десек те, емхана қызметкерлері Облыстық Денсаулық сақтау басқармасы арқылы сұратқан сұрауымызға ресми түрде жауап берген болатын:
   
"№4 қалалық емхананың қызметкерлеріне тамыз айының жалақысы қыркүйек айының 5 жұлдызында берілді. ҚР Еңбек кодексі 113 бап,1 тармағында жалақы ҚР ұлттық валютасында ақшалай нысанда белгіленеді және келесі айдың онкүндігінен кешіктірілмей айына 1 реттен сиретпей төленеді деп көрсетілген. 
   Емхана қызметкерлерін ақысыз еңбек демалысына мәжбүрлеп жіберу орын алған жоқ. Еңбек демалысына қызметкерлер уақытылы белгіленген графикке сай жіберілуде."



Жоғарыда берілген аудиожазба мекеме қызметкерлерін жинап, барынша түсіндірме жұмысын жүргізген емхана басшылығы мен әкімшілігінің не жасырғаны бар? Берілген қаржыны жыл соңына дейін жетпейтіндігін алға тартып, 1 бірліктен  0,75 бірлікке қысқартуды жөн көрдік деген сөзін аңғаруға болады. Шындығын жасырған басшылық тарап екі түрлі ақпарат беруіне не түрткі болды?
 
Ал, заң тұрғысынан да бұл әрекеттің заңдылығын тиісті мекемелер тексеру жұмыстарын жүргізіп, қызметкерлерге араша түседі деген ойдамыз.